Unha xornada de baile e natureza
O parque botánico de Montealegre acolleu unha actividade intercentros na que participaron arredor de 250 alumnos de distintos institutos da provincia de Ourense. A proposta, organizada dende o CFR de Ourense, consistíu nunha coreografia conxunta e unha visita ás instalacións, que serviu como broche final dun seminario de Profesores de Secundaria na que participaron 12 docentes de Música e Educación Física. Nuria Sotelo foi este ano a coreógrafa, co obxectivo de levar a danza moderna ás aulas de Secundaria.
Foi a terceira edición dunha iniciativa na que o alumnado sempre queda moi contento co traballo de tódalas persoas implicadas, entre elas Nuria Diéguez, coordinadora do CFR Ourense.