O acto, de entrada libre, terá lugar no Pazo dos Deportes da vila ás 16,30 horas.
A Asociación Musical de Trasmiras protagonizará un concerto no municipio o vindeiro domingo, 18 de decembro.
O acto, de entrada libre, terá lugar no Pazo dos Deportes da vila ás 16,30 horas.
A cita do domingo será, segundo afirma a presidenta da asociación, Sandra González, unha boa ocasión para que alumnos e alumnas da escola mostren os coñecementos que foron adquirindo durante este tempo de formación. Por outro lado, queren aproveitar tamén para agradecerlles aos veciños e veciñas a súa colaboración e entrega. A presidenta asegura que contan co respaldo dun Concello "cen por cento implicado coa asociación".
Cómpre destacar que a escola acolle alumnos e alumnas que van dos catro aos setenta anos.
Óscar Freire é o encargado de dirixir o grupo de gaitas e pandeiretas e Celso Nieto, a banda da escola.
No programa contarase coa interpretación de pianos, un grupo de guitarras, acordeóns e gaitas. Ademais, a banda da escola e máis a de gaitas tocarán unha escolma de panxoliñas de Nadal.
