Estreitar lazos a prol das persoas que padecen a enfermidade da diabetes e establecer sinerxias que contribúan a dar visibilidade a esta doenza foi o obxecto principal da xuntanza mantida entre a rexedora de Xinzo, Elvira Lama, e presidenta da Asociación Diabética Auria, María Paz Gómez del Valle. No encontro tamén estivo presente Dolores Rico, da Asociación Escola Rural de Saúde da Limia -que este ano cumpre 10 anos de vida asesorando e preservando a saúde dos veciños do rural e visibilizando doenzas como pode ser a diabetes- e outros representantes de ámbalas dúas entidades.
Logo da xuntanza, fontes municipais aseguraron que "Auria xa considera a apertura dunha sede na vila para axudar a divulgar a enfermidade, visibilizala e contribuír a detección de casos de diabetes ocultos, colaborando ademais no seguimento e control dos enfermos".
Tanto Auria, como la Escola de Saúde, manteñen que Xinzo é unha das localidades con maior presenza desta enfermindade.
