Do 6 de febreiro ó 27 de marzo leváronse a cabo dous obradoiros de Cultura Dixital en Xinzo de Limia. Participaron 17 persoas das aldeas de Morgade, Nocedo de Ribeira, Fiestras, Laroá e Xinzo de Limia.
Para o CDR O Viso, “mellorar as capacidades dixitais da poboación maior é imprescindible para garantir a súa inclusión plena na comunidade, o acceso máis doado a servizos públicos, e, en definitiva, facilitarlles a vida”.
Nas sesións impartidas houbo contido teórico e práctico, pero tamén moito de facer comunidade, crear grupo e tecer lazos entre aldeas.
“O que máis importancia lle damos é á conversa xurdida en cada clase, á reflexión espontánea de como nos está afectando o uso do móbil a nivel social, o pensamento crítico ante os abusos dos dispositivos dixitais”, destacan dende O Viso.
