Unha veciña de Xinzo de Limia, María Camino Tejada, denunciou a Víctor Rodríguez (concelleiro do PSdeG en Xinzo e hosteleiro do bar A de Torino e Tapería Buqué) e á súa parella, por unha suposta “agresión” despois dunha discusión na noite do venres de Entroido, cando o concelleiro acusaba a veciña de non pagar no seu bar.
A veciña presentou na Garda Civil de Xinzo un parte médico onde se queixaba dunha dor no ombreiro provocada, supostamente, pola agresión do concelleiro do PSdeG, que rexenta o negocio hosteleiro. A veciña expuxo os feitos ante a Garda Civil alegando que cando se atopaba no Bar Buqué estaba acompaña dunha amiga, Elisabeth Carrera, e foi cando o hosteleiro do bar supostamente agrediuna, “empuxándoa de forma moi violenta e maltratándoa de palabra”, segundo apunta na denuncia presentada diante da Garda Civil.
O denunciado rexeitou as acusacións: “Estiven falando ca Garda Civil e dixéronme que seguramente isto se archive. Seguramente ese parte das lesións é falso. Intentaron falar con todos os medios locais para publicar en contra miña. Querían aproveitar que son concelleiro para atacarme. Levan xa tres veces sen pagar e teño testigos que o verifican”. Espera, polo tanto, que os feitos que se lle imputan non prosperen.
