Continúa en Xinzo o cruce de acusacións entre o actual goberno e o principal partido da oposición, o PP.
Logo da comparecencia do cuatripartito a primeira hora do pasado mércores para aclarar a situación financieira do ente local con novos informes na man, e subliñar a existencia dun erro nun dos elaborados tamén pola Intervención sobre a estimación de gasto, os populares volven á carga criticando a rolda de prensa do equipo de goberno. “A rolda de prensa foi unha pantomima, entre lastimeira, autoritaria e desafiante, para botarse flores, sin entrar, eso si, no detalle dos números e resultados en obras concretas da sua xestión, e moito menos sin entrar nun so detalle dos gastos realizados, nin da utilización do importante remanente municipal que herdaron do anterior Goberno Popular”, censuran os populares que, ademais, critican o feito de que o cuatripartito insista na existencia “dunha herdanza catastrófica sin aportar un solo dato, limitándose a calumnia e a acusación sin probas”. Por todo o anterior, o PP solicita “unha auditoría da xestión nos anteriores mandatos”, así como que se expoñan públicamente os resultados.
Por outro lado, o PP critica o destino de certos fondos municipais a contratos directos ou o feito de que o equipo de goberno se puxera dedicacións exclusivas “a pesar de que, como din, estaba o Concello en banca rota. Para cobrar eles polo visto había cartos”. Por último, os populares piden saber “onde están as obras” prometidas por valor de “50 millóns de euros”.