Da comezo a XVI Festa do Esquecemento con amplo programa de espectáculos ata o domingo
Romanosecastrexosocuparon onte as rúas e prazas da capital da Limia para dar comezo á Festa do Esquecemento. Malia que as previsións matutinas eran negativas en canto á posiblidade de choiva, a invocación aos deuses logrou que esta se dera un pequeno descanso e que a grande recreación histórica da comarca dera comezo con bo tempo.
Ás 20,00 horas da tarde inaugurouse o mercado polas rúas da zona vella de Xinzo de Limia . Un pouco máis tarde, xa preto das 22,30 horas abriu as súas portas o campamento de romanos e castrexos cuxa ambientación sorprendeu a veciños e visitantes. Ás 23,30 horas tivo lugar o tradicional desfile polas rúas da vila e ás 00,00 horas prendeuse o lume sagrado. Os ac- tos da primeira xornada remataron ás 01,00 cun espectáculo de lume na Praza Maior.
Para hoxe, esperando que o tempo siga acompañando, celebrarase ás 12,00 horas, de novo na Praza Maior, o circo romano que estará amenizado por un grupo de gaiteiros. Pola tarde terá lugar un- ha "ximcana" polo casco vello que rematará cun pasarrúas. Ás 18h no campamento celebraranse un conxunto de xogos populares e ás
19,30 horas as tropas de décimo Xuño Bruto desfilarán pola viña xunto cos castrexos. O grupo Habelas Hainas porá o peche a esta xornada.