O festival Hércules Brass volve achegar a Celanova algún dos maiores talentos da música de vento metal. Faino na sexta edición dun evento xa consolidado que arranca hoxe e polo que pasarán recoñecidos músicos ata o próximo venres 2 de agosto.
O mosteiro de San Salvador acollerá este luns o concerto inaugural do evento. Alí, os asistentes, poderán disfrutar de balde da actuación da formación Sar Ensemble. Ana Pazos, Mariola González e Adrián Regueiro ofrecerán un concerto "diferente e novidoso ao mesturar instrumentos antigos con voz", sinalaba Alejandro Vázquez, organizador do festival celanovés.
Máis tarde, no claustro do mosteiro os amantes da música poderán presenciar tamén de balde o concerto que ofrecerán o trompetista brasileiro Fabio Brum e a banda de música de Celanova. Unha actuación na que tocarán varias pezas conxuntas e coa que darán comezo a unha intensa semana musical na vila.
Lugar: Claustro do mosteiro de San Salvador, Celanova
Hora: 18,30 e 20,45 horas
Entrada: gratuíta
