A Consellería de Cultura creará durante a presente lexislatura a figura das Vilas literarias como producto cultural turístico que sirva de base para dar a coñecer mellor Galicia. A iniciativa consiste no deseño de itinerarios turísticos por diferentes vilas vencelladas a escritores.
É o caso de Celanova en Ourense, localidade natal dos poetas Manuel Curros Enríquez, Celso Emilio Ferreiro ou Xosé Luís Méndez Ferrín. O anuncio desta iniciativa foi realizado onte polo conselleiro de Cultura, Roberto Varela, que explicou que as vilas que se acollan á nova figura deberán cumprir unha serie de condicións, como a de que a poboación teña recoñecida a configuración urabana de vila, e que esta sexa lugar de nacemento de máis dun escritor comunmente recoñecido na historia da literatura galega ou que se lle dedicara o Día das Letras Galegas.
Padrón, Ponteceso, Mondoñedo, Celanova, Cambados, Rianxo ou Vilanova de Arousa son algunhas das localidades que formarán parte do elenco de Vilas literarias que promoverá a Secretaría Xeral de Turismo. O berce de nacemento de escritores como Rosalía de Castro, Camilo José Cela, Eduardo Pondal, Álvaro Cunqueiro, Curros Enríquez, Ramón Cabanillas, Castelao ou Valle-Inclán, servirán de reclamo para coñecer comarcas enteiras de Galicia.
Padrón, Ponteceso, Mondoñedo, Celanova, Cambados, Rianxo ou Vilanova de Arousa son algunhas das localidades que formarán parte do elenco de Vilas literarias que promoverá a Secretaría Xeral de Turismo. O berce de nacemento de escritores como Rosalía de Castro, Camilo José Cela, Eduardo Pondal, Álvaro Cunqueiro, Curros Enríquez, Ramón Cabanillas, Castelao ou Valle-Inclán, servirán de reclamo para coñecer comarcas enteiras de Galicia.