O polideportivo de O Picouto, en Ramirás, acolleu na tarde de este sábado a gala central do Festival Internacional Rebulir, que chega este ano celebrando a súa XVI edición, o FIR202. Organizado pola Asociación Cultural Rebulir, co apoio institucional da Xunta de Galicia, Deputación de Ourense, concellos de Ramirás e Celanova, e universidades de Vigo e Santiago, o certamen viviú a gala de entrega dos Premios Rebulir da Cultura Galega 2021.
A mención de honra foi para os emigrantes retornados na comarca de Celanova, representados por Manuel Pérez, presidente da Federación Venezolana de Galicia (Fevega), e María Fernanda Ruiz, presidenta da Asociación de Pensionados e Jubilados de Venezuela en Galicia (Apejuveg). Entregoulles a figura o subdirector da Secretaría Xeral de Educació,; José Antonio Casas. Pola súa banda, Anxo Angueira recolleu da man do presidente do Parlamento de Galicia, Miguel Ángel Santalices, o na categoría Homenaxe. Angueira amosou a súa felicidade porque “é a primeira vez que se recoñece a miña traxectoria e faise en Ramirás, o concello no que eu comecei escribindo o meu primeiro libro”.
Miguel Santalices entrega o premio a Anxo Angueira.
O Xabarín, galardoado na categoría de Artes Escénicas, recolleu acompañado do director de Proxección Social da CRTVG, Xaime Arias, o seu premio de mans do secretario xeral de Cultura da Xunta, Anxo Lorenzo.
Xabier Díaz, premio na categoría de Música galega, non puido acudir á gala e recolleu no seu nome Ana Caamaño, de mans do vicepresidente da deputación de Ourense, Rosendo Fernández. Díaz agradeceu, nun vídeo, o galardón e quixo compartilo con “todo aquel que aportou para que eu hoxe chegara ata aquí. Dende o
meu avó, que me regalou a primeira gaita, ata as Adufeiras de Salitre, pasando por Berrgüetto ou Xacarandaina”.
A gala estivo amenizada polas actuacións dos colectivos folclóricos participantes, que amosaron o mellor das súas músicas e danzas.