Sousa Seara: "Teñen que evolucionar os servizos sen subir custos"

Perfil Nome e apelidos: Jaime Sousa Seara Lugar de nacemento: Cartelle Cargo: Alcalde de Cartelle e, dende xaneiro deste ano, presidente da Mancomunidade Terra de Celanova O cartel da película “Invictus” preside o despacho do novo presidente da Mancomunidade Terra de Celanova, toda unha declaración por parte do alcalde de Cartelle, que chega co reto de lograr unha evolución dos servizos e, si se pode, abaratar os custos. Como foi a chegada a Mancomunidade? Ben. Cando hai un cambio despois de tantos anos, evidentemente cada un ten unha forma de traballar. Pero o importante é que aquí atopeime cun capital humano moi potente. A xente está envorcada, cada un sabe ben o que ten que facer. Cando o persoal ten disposición e é profesional, as cousas son moito máis fáciles. En que se diferencia da xestión municipal? Isto non é como un concello. Para empezar, os traballadores son moitos máis, uns 90. A mancomunidade debe tratar de xestionar os servizos aos concellos, tratando de que lle custen o menos posible. Os concellos reciben subvencións, ten achegas… aquí estás xestionando uns servizos co diñeiro dos oito concellos, uns 15.000 habitantes. Eu penso que a labor da mancomunidade é dar servizos intentando que lle custe o menos posible aos concellos. Neste punto, hai un tema que é vital, a oficina de recadación. Por que? Creo que para facer unha boa xestións necesitamos recursos. Esta oficina é fundamental e as traballadoras son espectaculares. Temos que mellorar os seus medios porque, se non recadas ben se aproveitan os mal pagadores. Por iso nos sentaremos cos concellos para ver o tema das direccións, os rueiros… Si aumentas a recadación, son cartos que invistes no concello. É un ben para todos. Atopou algo que non lle gustou? Que non me gustara non, porque esta mancomunidade é un referente a nivel de Galicia, pero creo que hai servizos que teñen que evolucionar, como o facemos nós na vida, e tratando de reducir custos, porque os concellos estamos afogados. Si falamos dos bombeiros, temos un parque modelo, pero agora mesmo non podemos esperar que haxa un incendio nun cuarto piso en Celanova, temos que xestionar e movernos para conseguir un camión escaleira. Hai que solucionalo xa. Fixo xa algunha xestión? Estamos niso. Un camión de bombeiros novo costa uns 600.000 euros, pero estase barallando a posibilidade de conseguir un de segunda mano de Alemania, que os retiran con catro anos, e con 30 metros de escaleira penso que sería para aquí suficiente. Onde xa houbo cambios é na recollida de lixo. É un servizo importante e cun persoal moi involucrado, pero estabamos nunha nave en Mandrás que quedou totalmente obsoleta e era necesario cambiar. Nestes días estamos pendentes de facer o traslado a nova nave no polígono industrial, que resulta máis axeitada as necesidades actuais. Tamén temos un parque de bomberos con moitos anos (algúns máis de 20), moi ben coidado, pero que é certo que estamos a ter moitas avarías. Xa hai un camión novo que tardará seis meses en dárnolo e, para o ano, trataremos de buscar algunha subvención para conseguir cando menos dous camións. Servizos sociais é un dos departamentos con máis traballadores. Son fundamentais. Xa tiven dous reunións coas máis de 40 traballadoras e temos que sacarnos o sombreiro con elas. Coa pandemia, deron unha lección, sempre ao pé do canón. É un dos mellores servizos que ten a Mancomunidade. Estamos vivindo nunha das comarcas máis lonxevas da península, algo de mérito terán as traballadoras de axuda no fogar e, de feito, no vindeiro obradoiro adicarase a formar a traballadoras de axuda no fogar, para o servizo de axuda no fogar, para as residencias. É un sector con saída na comarca. A medio plazo, pensa en asumir novos servizos? Somos unha das mancomunidades que máis servizos presta e, si aumentamos os servizos, aumentarían os custes e os concellos non están para iso, imos afogados e calquera incremento é unha odisea. Eu vou intentar que se sigan prestando os servizos, mellorandoos e intentando abaratar costes. Dende as oficinas lévase a cabo un importante traballo en materia de formación e educación para diferentes idades e colectivos. Eu creo que se fan ben, pero imos a intentar que chegue a información e que os Concellos e os veciños crean nestes programas, porque as veces falta involucración por parte dos concellos. Que ten que dicir a quen acusa de escurantismo e malgasto ao ente supramunicipal? Ningún concello, nin tan sequera Celanova, podería manter o servizo de bombeiros e, no lixo, calquera outra fórmula duplicaria o recibo. Polo que a min respecta, total transparencia. A min tócame ser presidente, pero aquí opinamos todos. A Mancomunidade está representada polos oito concellos, e os oito alcaldes informarán as súas corporaciones. Ata agora tivemos tres xuntas de portavoces e terán as portas abertas… Si me toca administrar o diñeiro de todos, que menos que os alcaldes saiban onde van parar os cartos.