A cantante Lucía Pérez, representante española na final do Festival de Eurovisión co tema 'Que me quiten lo bailao', destacou hoxe nunha rolda de prensa, a unha semana do evento, que se sente 'convencida do traballo realizado ata o momento e con forzas supercargadas para gozar'.
Arroupando a artista galega, que viaxa mañá a Düsseldorf (Alemaña), presentáronse hoxe os profesionais que intervirán no despregamento de RTVE ante a final do sábado 14 de maio: a presentadora Anne Igartiburu e José María Íñigo e a xornalista Elena S. Sánchez, que debuta nestas lides transmitindo a Europa os votos españois.
Este afamado cronista musical, que exercerá de comentarista durante as galas, restou importancia á vitoria e dixo que, neste caso, 'o aparecer na final é o gran premio' e dixo que 'nunca gaña a mellor canción, nin nunca a última canción é a peor'.
'Todo o mundo o critica, pero todo o mundo o ve', engadiu Íñigo, que destacou o 'despregamento espectacular de técnica televisiva' que supón este concurso da canción, que, na súa opinión, hai tempo que deixou a época dos 'coros e danzas' para presentar temas que están 'no mercado real da música'.
Pérez, que se mostrou moi ilusionada e 'cada vez con máis ganas', enxalzou 'a gran calidade de todos os países' e destacou as propostas de Reino Unido, co coñecido grupo Blue, ademais das de Suíza e Islandia.
'Pase o que pase, que nos quiten o bailao', afirmou a intérprete, facendo un xogo de palabras co título da súa canción, cuxa posta en escena xa está preparada.
'Vou con dúas mozas e tres mozos, grandes profesionais e persoas, e pasámolo pipa sobre o escenario. A posta en escena vai totalmente de acordo coa canción, e o día do festival imos dalo todo', dixo a artista, que vestirá un modelo das deseñadoras galegas Sara Lage e Maru Calderón.
Igartiburu, como en ocasións anteriores, será a encargada de conducir desde os estudos de Sant Cugat en Barcelona o programa previo e o posterior á final do sábado con convidados, cuxos nomes non quixeron desvelar de momento.
A presentadora, que tamén puxo o acento nos 50 anos que leva TVE participando en Eurovisión, dixo que 'sempre o relacionamos con algo anecdótico ou festeiro, pero quero destacar especialmente o nivel deste ano'.
En total participarán 43 países, dezanove en cada unha das dúas semifinais (que se celebrarán os días 10 e 12 de maio e serán transmitidas pola 2 de TVE) e a gran final (o día 14 en La 1), con 25 países.
España participará o sábado de forma automática como membro do chamado 'Big Five', que compoñen os países que máis achega económica realizan para a súa celebración, isto é, ademais de España, Reino Unido, Francia, Alemaña e Italia, que regresa tras catorce anos de ausencia.
O que o azar si decidiu é a posición na que actuará Pérez, a número 22.
RTVE.es vaise entregar tamén no seguimento do festival, ofrecendo en directo as semifinais e a final. Disporán así mesmo de imaxes exclusivas do backstage e realizarán un intenso seguimento nos días previos, tanto da representante española como dos seus rivais.-
Este afamado cronista musical, que exercerá de comentarista durante as galas, restou importancia á vitoria e dixo que, neste caso, 'o aparecer na final é o gran premio' e dixo que 'nunca gaña a mellor canción, nin nunca a última canción é a peor'.
'Todo o mundo o critica, pero todo o mundo o ve', engadiu Íñigo, que destacou o 'despregamento espectacular de técnica televisiva' que supón este concurso da canción, que, na súa opinión, hai tempo que deixou a época dos 'coros e danzas' para presentar temas que están 'no mercado real da música'.
Pérez, que se mostrou moi ilusionada e 'cada vez con máis ganas', enxalzou 'a gran calidade de todos os países' e destacou as propostas de Reino Unido, co coñecido grupo Blue, ademais das de Suíza e Islandia.
'Pase o que pase, que nos quiten o bailao', afirmou a intérprete, facendo un xogo de palabras co título da súa canción, cuxa posta en escena xa está preparada.
'Vou con dúas mozas e tres mozos, grandes profesionais e persoas, e pasámolo pipa sobre o escenario. A posta en escena vai totalmente de acordo coa canción, e o día do festival imos dalo todo', dixo a artista, que vestirá un modelo das deseñadoras galegas Sara Lage e Maru Calderón.
Igartiburu, como en ocasións anteriores, será a encargada de conducir desde os estudos de Sant Cugat en Barcelona o programa previo e o posterior á final do sábado con convidados, cuxos nomes non quixeron desvelar de momento.
A presentadora, que tamén puxo o acento nos 50 anos que leva TVE participando en Eurovisión, dixo que 'sempre o relacionamos con algo anecdótico ou festeiro, pero quero destacar especialmente o nivel deste ano'.
En total participarán 43 países, dezanove en cada unha das dúas semifinais (que se celebrarán os días 10 e 12 de maio e serán transmitidas pola 2 de TVE) e a gran final (o día 14 en La 1), con 25 países.
España participará o sábado de forma automática como membro do chamado 'Big Five', que compoñen os países que máis achega económica realizan para a súa celebración, isto é, ademais de España, Reino Unido, Francia, Alemaña e Italia, que regresa tras catorce anos de ausencia.
O que o azar si decidiu é a posición na que actuará Pérez, a número 22.
RTVE.es vaise entregar tamén no seguimento do festival, ofrecendo en directo as semifinais e a final. Disporán así mesmo de imaxes exclusivas do backstage e realizarán un intenso seguimento nos días previos, tanto da representante española como dos seus rivais.-
