A Universidade de Vigo iniciará este xoves a súa programación cultural de primavera cun concerto inédito que unirá ás bandas CatPeople e Second, nunha actuación que terá lugar no Teatro Roberto Vidal Bolaño do campus de Vigo, a partir das 18.30 horas.
Ademais da música en directo, estes dous grupos disputarán antes da actuación un partido de fútbol-5. Este encontro deportivo terá unha segunda cita o próximo 24 de marzo en Murcia, onde se disputará o partido de volta, e onde tamén se volverá celebrar un concerto destas dúas bandas viguesa-barcelonesa e murciana.
O próximo 22 de marzo haberá máis música no teatro do campus, co Festival Sonora12 e as actuacións de Trampoline e La Familia; e, xa no mes de abril, a música 'indie' dará paso aos sons máis folk: o 11 de abril actuará o gaiteiro Patrick Molard, abandeirado da recuperación da música bretona.
O 16 de maio será a quenda de Sés, 'chamada a ser a nova voz da música tradicional galega', segundo a organización, que ofrecerá un concerto acústico, coincidindo coa entrega dos Premios de Normalización Lingüística da universidade. Tanto este concerto como o de Molard, terán lugar no edificio Miralles.
Así mesmo, o teatro volverá ao campus cunha nova edición do MITEU - Mostra Internacional de Teatro Universitario -, que terá lugar do 17 ao 26 de abril, no Teatro Roberto Vidal Bolaño, e no Auditorio Municipal de Vigo.
O próximo 22 de marzo haberá máis música no teatro do campus, co Festival Sonora12 e as actuacións de Trampoline e La Familia; e, xa no mes de abril, a música 'indie' dará paso aos sons máis folk: o 11 de abril actuará o gaiteiro Patrick Molard, abandeirado da recuperación da música bretona.
O 16 de maio será a quenda de Sés, 'chamada a ser a nova voz da música tradicional galega', segundo a organización, que ofrecerá un concerto acústico, coincidindo coa entrega dos Premios de Normalización Lingüística da universidade. Tanto este concerto como o de Molard, terán lugar no edificio Miralles.
Así mesmo, o teatro volverá ao campus cunha nova edición do MITEU - Mostra Internacional de Teatro Universitario -, que terá lugar do 17 ao 26 de abril, no Teatro Roberto Vidal Bolaño, e no Auditorio Municipal de Vigo.
