O comité de empresa de Unísono Solucións de Negocio S.A. convocou unha concentración de 11.00 a 12.00 horas deste venres fronte á sede da empresa en Vigo, para denunciar a 'sangría' de despedimentos que houbo no último ano, con 'case 400 persoas na rúa'.
Segundo explicou en declaracións a Europa Press o secretario de organización da sección sindical estatal de UGT, Alberto López, o equipo de Unísono na cidade olívica era de algo máis de mil empregados en maio do ano pasado, e un ano despois 'apenas superan os 700'.
López sinalou que a empresa alega un suposto 'descenso no número de chamadas' - Unísono ofrece servizo de asistencia telefónica a operadores de telefonía móbil e bancos, así como servizos de atención ao cliente e venda-, e denunciou que 'en realidade é unha estratexia de deslocalización', posto que a compañía busca empregados para os seus centros de Chile e Colombia.
O voceiro de UGT subliñou que os despedimentos son unha medida xeneralizada da empresa en todos os seus centros de España e que, de feito, en Madrid, quedaron sen emprego unhas 170 persoas nas últimas semanas.
López sinalou que a empresa alega un suposto 'descenso no número de chamadas' - Unísono ofrece servizo de asistencia telefónica a operadores de telefonía móbil e bancos, así como servizos de atención ao cliente e venda-, e denunciou que 'en realidade é unha estratexia de deslocalización', posto que a compañía busca empregados para os seus centros de Chile e Colombia.
O voceiro de UGT subliñou que os despedimentos son unha medida xeneralizada da empresa en todos os seus centros de España e que, de feito, en Madrid, quedaron sen emprego unhas 170 persoas nas últimas semanas.
