O presidente da Xunta, Alberto Núñez Feijóo, ratificou este xoves que estará pendente das datas de licitación das obras pendentes do AVE a Galicia como fixo 'ata agora', ademais de 'facilitar todo' para que 'ninguén busque ningunha falsa xustificación' para non cumprir 'coas obrigas' con Galicia, que leva 'moitos anos' esperando por esta infraestrutura.
Así manifestouno na rolda de prensa posterior ao Consello da Xunta, tras ser preguntado polo atraso na licitación das obras pendentes da alta velocidade galega, a publicación da cal no Boletín Oficial do Estado (BOE) estaba comprometida para o primeiro trimestre de 2011, que conclúe este xoves.
Ao respecto e en ton cauteloso, Feijóo avisou de que Galicia leva 'tanto tempo' esperando polo AVE que el non vai sobreactuar por 'un prazo máis' que o Goberno de España 'se dá a si mesmo' para cumprir os seus compromisos. 'Espero e desexo que se levamos esperando sete anos a que o Goberno cumpra, non pase nada por seguir esperando o último prazo que se dá a si mesmo, que son quince días,', apostilou.
Neste escenario, destacou que a Xunta manterá 'o sentido institucional', pero observará 'con muoitísimo interese' o que fai 'o mesmo Goberno que dixo' á Comunidade galega que o AVE 'estaría rematada en 2012', como fixo - asegurou - dende que subscribiu co titular de Fomento, José Blanco, o chamado Pacto do Obradoiro.
Non en van, Feijóo remarcou que o devandito acordo 'se cumpriu' no ano 2009 e que 'non o fixo' en 2010. 'Agora piden 15 días máis e seguirei con mesmo interese polas datas que mantiven ata agora', subliñou, antes de volver reivindicar o dereito de Galicia a que se liciten e se adxudiquen as obras de alta velocidade pendentes.
Ao respecto e en ton cauteloso, Feijóo avisou de que Galicia leva 'tanto tempo' esperando polo AVE que el non vai sobreactuar por 'un prazo máis' que o Goberno de España 'se dá a si mesmo' para cumprir os seus compromisos. 'Espero e desexo que se levamos esperando sete anos a que o Goberno cumpra, non pase nada por seguir esperando o último prazo que se dá a si mesmo, que son quince días,', apostilou.
Neste escenario, destacou que a Xunta manterá 'o sentido institucional', pero observará 'con muoitísimo interese' o que fai 'o mesmo Goberno que dixo' á Comunidade galega que o AVE 'estaría rematada en 2012', como fixo - asegurou - dende que subscribiu co titular de Fomento, José Blanco, o chamado Pacto do Obradoiro.
Non en van, Feijóo remarcou que o devandito acordo 'se cumpriu' no ano 2009 e que 'non o fixo' en 2010. 'Agora piden 15 días máis e seguirei con mesmo interese polas datas que mantiven ata agora', subliñou, antes de volver reivindicar o dereito de Galicia a que se liciten e se adxudiquen as obras de alta velocidade pendentes.
