As máximas rozarán os 30º grados
As temperaturas ascenderán na xornada do xoves en toda a Península e superará os 30ºC nalgunhas provincias do centro e sur peninsular como Córdoba (33ºC), Jaén (30ºC), Sevilla (31ºC) e Toledo (30ºC), segundo a predición da Axencia Estatal de Meteoroloxía (Aemet).
O ascenso de temperaturas será localmente notable no cantábrico, ambas as dúas mesetas e interior sur peninsular. Na área mediterránea non haberá cambios ou ben as temperaturas experimentarán un lixeiro descenso. En canto ás nocturnas, ascenderán, de xeito localmente notable, na vertente atlántica e no resto haberá poucos cambios.
No cuadrante noroeste peninsular, haberá intervalos nubrados, aumentando a moi nubrado con chuvias en Galicia, que se estenderán ao longo do día a zonas do cantábrico occidental e noroeste de Castilla e León.
Estas chuvias poderían ir acompañadas, ocasionalmente, dalgunha tormenta illada e non se descarta que, de forma feble e dispersa, alcancen ao final do día puntos do resto da área cantábrica e do alto Ebro. Tamén haberá predominio de pouco anubrado no resto de España, con algúns intervalos de nubes altas e algunhas nubes baixas matinais en puntos do litoral sueste peninsular.
No referente ao vento, será de compoñente norte en Canarias e do leste e sur na Península e Baleares, rolando a sueste no litoral galego.
