Solicitan reunións con Guerra e Mato para tomar medidas de reactivación dun sector que perdeu 7.000 empregos nun ano e medio
Unhas 400 persoas, entre delegados sindicais e parados do sector, manifestáronse este mércores en Santiago para reclamar os gobernos central e autonómico que 'se impliquen' con esta actividade e tomen medidas para darlle carga de traballo os estaleiros galegos.
A manifestación, que saíu da Facultade de Dereito e cruzou o centro da cidade ata o complexo administrativo da Xunta en San Caetano, levou na cabeceira o secretario xeral da CIG, Suso Seixo, e o responsable de CIG-Metal, Xoán Xosé Bouzas. Os manifestantes lanzaron proclamas para animar á 'loita obreira' e para pedir a dimisión do presidente galego, Alberto Núñez Feijóo. Así mesmo, reclamaron máis carga de traballo para o sector.
Bouzas indicou que a falta de carga de traballo levou a 'unha perda de emprego importante' que provoca tamén o peche de empresas. No último ano e medio, dixo, a industria naval de Vigo perdeu 7.000 empregos e 'neste momento só quedan sobre 2.500 postos, uns 500 nas empresas principais e 2.000 das auxiliares'.
'Case o 100% das auxiliares están con algún expediente de regulación de emprego e tamén as grandes, como Barreiras ou Vulcano,', apuntou e chamou a atención sobre que 'non hai nada contratado para o futuro, polo que tampouco é prometedor'.
En Ferrol rematan os contratos cos tres barcos que se están a construír e, aínda que 'teoricamente a carga de traballo mantense dende aquí a finais de 2012, irase perdendo emprego progresivamente'. Na zona hai entre 4.500 e 5.000 traballadores do naval, dos que 2.500 son da principal e 2.000 das auxiliares.
'Ante esta situación tan penurienta por parte das administracións, tanto autonómica como central, non se está a facer absolutamente nada', reprochou e criticou que se dean axudas a banca pero non a naval, que é 'estratéxico'. Por iso e, dado que cren que 'o único idioma que entende a Xunta é a mobilización e a presión política', continúan coas protestas.
Malia todo isto, Bouzas proclamou nun manifesto ao que deu lectura en San Caetano, que o naval 'é un sector con futuro', pois os tráficos marítimos 'non fan senón crecer', polo que pediu 'responsabilidade' ao Estado e á Xunta para apoialo.
ENTREVISTAS CON GUERRA E MATO
Así mesmo, a CIG rexistrou senllas solicitudes de reunión co conselleiro de Economía e Industria, Javier Guerra, e coa titular de Traballo e Benestar, Beatriz Mato, para explicar a súa situación e propoñer alternativas para fomentar a actividade no sector naval. Entre estas están desenvolver unha política comercial 'de acordo coa normativa estatal e comunitaria' en relación coas contratacións militares, impulsar un centro de reparación en Vigo e apoiar a investigación.
Tamén piden un centro tecnolóxico do naval, a creación dun fondo patrimonial de garantías galego, centrado nas auxiliares, e a construción dun dique flotante en Ferrol, co fin de que poida captar a reparación de barcos de grande envergadura. 'Se non hai un dique no que se poida varar o barco, non se poden coller e se están a perder contratas de reparación que se van a outros países', expuxo Bouzas.
Advertiu tamén que esta perda de masa pode poñer en risco unha hipotética recuperación, pois de recuperarse a actividade as empresas 'non están en condicións de garantir a man de obra', dado que os traballadores se viron obrigados a moverse a outros sectores e 'terían que suplilas as auxiliares, que xa non existen'.
A manifestación, que saíu da Facultade de Dereito e cruzou o centro da cidade ata o complexo administrativo da Xunta en San Caetano, levou na cabeceira o secretario xeral da CIG, Suso Seixo, e o responsable de CIG-Metal, Xoán Xosé Bouzas. Os manifestantes lanzaron proclamas para animar á 'loita obreira' e para pedir a dimisión do presidente galego, Alberto Núñez Feijóo. Así mesmo, reclamaron máis carga de traballo para o sector.
Bouzas indicou que a falta de carga de traballo levou a 'unha perda de emprego importante' que provoca tamén o peche de empresas. No último ano e medio, dixo, a industria naval de Vigo perdeu 7.000 empregos e 'neste momento só quedan sobre 2.500 postos, uns 500 nas empresas principais e 2.000 das auxiliares'.
'Case o 100% das auxiliares están con algún expediente de regulación de emprego e tamén as grandes, como Barreiras ou Vulcano,', apuntou e chamou a atención sobre que 'non hai nada contratado para o futuro, polo que tampouco é prometedor'.
En Ferrol rematan os contratos cos tres barcos que se están a construír e, aínda que 'teoricamente a carga de traballo mantense dende aquí a finais de 2012, irase perdendo emprego progresivamente'. Na zona hai entre 4.500 e 5.000 traballadores do naval, dos que 2.500 son da principal e 2.000 das auxiliares.
'Ante esta situación tan penurienta por parte das administracións, tanto autonómica como central, non se está a facer absolutamente nada', reprochou e criticou que se dean axudas a banca pero non a naval, que é 'estratéxico'. Por iso e, dado que cren que 'o único idioma que entende a Xunta é a mobilización e a presión política', continúan coas protestas.
Malia todo isto, Bouzas proclamou nun manifesto ao que deu lectura en San Caetano, que o naval 'é un sector con futuro', pois os tráficos marítimos 'non fan senón crecer', polo que pediu 'responsabilidade' ao Estado e á Xunta para apoialo.
ENTREVISTAS CON GUERRA E MATO
Así mesmo, a CIG rexistrou senllas solicitudes de reunión co conselleiro de Economía e Industria, Javier Guerra, e coa titular de Traballo e Benestar, Beatriz Mato, para explicar a súa situación e propoñer alternativas para fomentar a actividade no sector naval. Entre estas están desenvolver unha política comercial 'de acordo coa normativa estatal e comunitaria' en relación coas contratacións militares, impulsar un centro de reparación en Vigo e apoiar a investigación.
Tamén piden un centro tecnolóxico do naval, a creación dun fondo patrimonial de garantías galego, centrado nas auxiliares, e a construción dun dique flotante en Ferrol, co fin de que poida captar a reparación de barcos de grande envergadura. 'Se non hai un dique no que se poida varar o barco, non se poden coller e se están a perder contratas de reparación que se van a outros países', expuxo Bouzas.
Advertiu tamén que esta perda de masa pode poñer en risco unha hipotética recuperación, pois de recuperarse a actividade as empresas 'non están en condicións de garantir a man de obra', dado que os traballadores se viron obrigados a moverse a outros sectores e 'terían que suplilas as auxiliares, que xa non existen'.