Obtivo o 48% dos votos nunha iniciativa que busca divulgar o léxico galego
O termo 'afouteza' foi escollido como 'Palabra do Ano 2017', nunha iniciativa promovida pola Real Academia Galega (RAG) e a Fundación Barrié dentro do seu proxecto o `Portal das Palabras`, segundo informa a institución académica.
Esta palabra obtivo o 48% dos votos nun proceso promovido dentro do proxecto web impulsado por estas institucións para a modernización e a divulgación do léxico galego. O termo gañador, ao que votaron 3.004 persoas das 6.228 participantes, impúxose a outro sete finalistas.
Todas elas "palabras con forza informativa, que centraron por diversos motivos os temas de maior presencia nos medios", explica a RAG. Ademais, trátase de termos que tiveron máis impacto social "e a maioría cun valor engadido desde o punto de vista estritamente lingüístico", engade.
Outras palabras escollidas
Após a palabra seleccionada, 'independencia' foi a seguinte en número de votos, cun total de 939, e 'sapoconcho', a terceira, con 830 votos. 'Eucaliptizació', 'teimudo', 'vaga de lumes', 'violencia de xénero' e 'velutina' completan, por esta orde, a táboa de posicións finais.
No tres edicións anteriores, as gañadoras foron 'irmandade' (2016); 'refuxiados' (2015) e corrupción (2014). No caso da gañadora deste ano, a RAG lembra que se trata dun termo usado nunha campaña do Celta de Vigo "Ensinémoslle ao mundo o significado da afouteza', baseado nun verso do himno do clube.
"A motivación dos afeccionados pesou en que gañase a Palabra do Ano", recoñece a RAG. Non entanto, vincúlao tamén con "o poder semántico" desta palabra e o seu contido con "implicacións máis aló do mundo futbolístico".
Sobre o significado, lembra que pode referirse á disposición de quen actúa sen temor ás dificultades ou perigos ou á seguridade que unha persona demostra en si mesma.
