A CIG asegurou este luns que a nova central hidroeléctrica que Iberdrola quere abrir no ámbito de Santa Cristina de Ribas de Sil terá un 'grande impacto ambiental' para a Ribeira Sacra e 'non traerá ningún tipo de beneficio económico' para a zona.
Así o asegurou o secretario de Medio Ambiente e Desenvolvemento Sostible da central sindical, Anxo Pérez, que recordou que Iberdrola xestiona 15 centrais hidroeléctricas na provincia de Ourense -a maior parte na cunca do Miño-Sil- que xeran uns '130 millóns de euros' en facturación pero que crean 'pouco máis de 130 postos' na provincia.
Por iso, criticou que os 'pingües' beneficios económicos da empreza 'non se traduzan nin en melloras ambientais, nin sociais, nin económicas para os concellos polos que pasa o río Sil'.
Para a CIG, a cantidade de instalacións hidroeléctricas de toda Galicia é 'máis que suficiente' polo que Anxo Pérez avogou por 'non conceder novas licenzas de explotación'.
En concreto, as obras de Santa Cristina terían 'unha duración de 8 anos' e a 'dureza dos traballos previstos' auguran un 'grande impacto xeolóxico nunha zona de indiscutible riqueza ambiental e patrimonial', criticou Pérez. Así mesmo, asegurou que, nestas condicións, a declaración da Ribeira Sacra e os Cañóns do Sil como Patrimonio da Humanidade será 'imposible con total seguridade'.
'Ninguén vai outorgar esa importantísima distinción, que teñen monumentos como a muralla de Lugo, a unha Ribeira Sacra totalmente masacrada por unha obra dunha envergadura realmente sen precedentes' resaltou o sindicalista, quen engadiu que 'ningún país, ningún pobo evolucionado permitiría que nunha xoia natural como é a Ribeira Sacra se fixese unha obra de envergadura se non é exclusivamente para dar de beber á cidadanía'.
'Hai concellos que pasan polo río Sil como o Concello de O Barco ou A Rúa que creceron pero a custa da lousa e non dos beneficios que o propio río Sil lle podía traer' resaltou o dirixente sindical, quen engadiu que outros como Parada do Sil ou Nogueira de Ramuín, 'son concellos que quedaron realmente nun atraso importantísimo, que perderon poboación de forma alarmante e que a media de idade é realmente elevadísima' polo que 'houbo moito beneficio económico e pouco beneficio social' para a provincia de Ourense, denunciou.
Por iso, criticou que os 'pingües' beneficios económicos da empreza 'non se traduzan nin en melloras ambientais, nin sociais, nin económicas para os concellos polos que pasa o río Sil'.
Para a CIG, a cantidade de instalacións hidroeléctricas de toda Galicia é 'máis que suficiente' polo que Anxo Pérez avogou por 'non conceder novas licenzas de explotación'.
En concreto, as obras de Santa Cristina terían 'unha duración de 8 anos' e a 'dureza dos traballos previstos' auguran un 'grande impacto xeolóxico nunha zona de indiscutible riqueza ambiental e patrimonial', criticou Pérez. Así mesmo, asegurou que, nestas condicións, a declaración da Ribeira Sacra e os Cañóns do Sil como Patrimonio da Humanidade será 'imposible con total seguridade'.
'Ninguén vai outorgar esa importantísima distinción, que teñen monumentos como a muralla de Lugo, a unha Ribeira Sacra totalmente masacrada por unha obra dunha envergadura realmente sen precedentes' resaltou o sindicalista, quen engadiu que 'ningún país, ningún pobo evolucionado permitiría que nunha xoia natural como é a Ribeira Sacra se fixese unha obra de envergadura se non é exclusivamente para dar de beber á cidadanía'.
'Hai concellos que pasan polo río Sil como o Concello de O Barco ou A Rúa que creceron pero a custa da lousa e non dos beneficios que o propio río Sil lle podía traer' resaltou o dirixente sindical, quen engadiu que outros como Parada do Sil ou Nogueira de Ramuín, 'son concellos que quedaron realmente nun atraso importantísimo, que perderon poboación de forma alarmante e que a media de idade é realmente elevadísima' polo que 'houbo moito beneficio económico e pouco beneficio social' para a provincia de Ourense, denunciou.
