Asegura que arderon 25.000 hectáreas e reclama a declaración do nivel 2 para o Macizo Central e do 3 para os parques naturais
A CIG esixiu este mércores as dimisións do conselleiro de Medio Rural, Samuel Juárez, e o director xeral de Montes, Tomás Fernández-Couto, xa que, ao seu xuízo, o seu 'desleixo, inhibición' e unha política forestal 'equivocada e desfasada' son as causantes da 'catástrofe ecolóxica' que padece Galicia tras a onda de incendios.
O responsable do sector de Administración autonómica da CIG-Administración, Fernando García, pediu ademais a declaración do nivel 2 de gravidade para o Macizo Central de Ourense e o nivel 3 para os parques naturais, 'cando xa van queimadas, segundo cálculos dos traballadores, 25.000 hectáreas.
'A Xunta ten que recoñecer primeiro que se lles foi das mans a situación; segundo, que estamos ante unha catástrofe e terceiro que hai que cambiar a política forestal', aseverou o sindicalista, para o que é 'unha canallada' que dende distintas instancias e no propio Parlamento de Galicia 'se intente atribuír parte da responsabilidade aos traballadores'.
Para o responsable nacional da CIG-Autonómica, esta situación 'pon en evidencia a incapacidade para xestionar a política de incendios', polo que urxiu a convocatoria de todas as partes implicadas 'para tratar de redefinila'.
'Medio Rural debería manter o operativo previsto para o período de alto risco ou, unha vez confirmada a crítica situación provocada pola onda de incendios, debería recuperar con carácter de urxencia o persoal que foi cesado en setembro, reforzando primeiro o dispositivo propio e, despois, en todo caso, reclamando apoio externo', concluíu Fernando García.
TORRES DE VIXILANCIA 'PECHADAS' E 'DESCORDINACIÓN ABSOLUTA'
Xunto a García compareceu, en rolda de prensa, a axente forestal e delegada de prevención de riscos laborais no medio Rural Zeltia Burgos, que recordou que en setembro 'se recortaron' os medios de extinción, o que fai que as torres de vixilancia 'estean pechadas' entre as 22.00 e as 12.00 horas'.
Así mesmo, Burgos denunciou a 'descoordinación absoluta' dos centros de distrito de Ourense, onde, asegurou, 'a día de hoxe non se sabe onde está nin sequera o xefe de servizo'.
Segundo os seus datos, en Lobios, xunto ao Parque Natural de O Xurés arderon 2.700 hectáreas -fronte ás 1.000 que estima a Xunta- e o lume afectou a 1.450 hectáreas 'solo no concello de Maceda', no Macizo Central.
O responsable do sector de Administración autonómica da CIG-Administración, Fernando García, pediu ademais a declaración do nivel 2 de gravidade para o Macizo Central de Ourense e o nivel 3 para os parques naturais, 'cando xa van queimadas, segundo cálculos dos traballadores, 25.000 hectáreas.
'A Xunta ten que recoñecer primeiro que se lles foi das mans a situación; segundo, que estamos ante unha catástrofe e terceiro que hai que cambiar a política forestal', aseverou o sindicalista, para o que é 'unha canallada' que dende distintas instancias e no propio Parlamento de Galicia 'se intente atribuír parte da responsabilidade aos traballadores'.
Para o responsable nacional da CIG-Autonómica, esta situación 'pon en evidencia a incapacidade para xestionar a política de incendios', polo que urxiu a convocatoria de todas as partes implicadas 'para tratar de redefinila'.
'Medio Rural debería manter o operativo previsto para o período de alto risco ou, unha vez confirmada a crítica situación provocada pola onda de incendios, debería recuperar con carácter de urxencia o persoal que foi cesado en setembro, reforzando primeiro o dispositivo propio e, despois, en todo caso, reclamando apoio externo', concluíu Fernando García.
TORRES DE VIXILANCIA 'PECHADAS' E 'DESCORDINACIÓN ABSOLUTA'
Xunto a García compareceu, en rolda de prensa, a axente forestal e delegada de prevención de riscos laborais no medio Rural Zeltia Burgos, que recordou que en setembro 'se recortaron' os medios de extinción, o que fai que as torres de vixilancia 'estean pechadas' entre as 22.00 e as 12.00 horas'.
Así mesmo, Burgos denunciou a 'descoordinación absoluta' dos centros de distrito de Ourense, onde, asegurou, 'a día de hoxe non se sabe onde está nin sequera o xefe de servizo'.
Segundo os seus datos, en Lobios, xunto ao Parque Natural de O Xurés arderon 2.700 hectáreas -fronte ás 1.000 que estima a Xunta- e o lume afectou a 1.450 hectáreas 'solo no concello de Maceda', no Macizo Central.