Os feitos tiveron lugar pasados uns minutos das 9,30 horas deste mércores
Dúas motos e unha furgoneta colisionaron este mércores cando circulaban pola rotonda que dá entrada ao porto de Orillamar, en Vigo, segundo informa o 112.
Debido ao impacto, unha muller que conducía unha das motocicletas resultou ferida nun xeonllo. Os servizos sanitarios foron informados do accidente polo persoal do centro de atención ás emerxencias, aínda que, segundo expresou a alertante -- implicada no sinistro -- , rexeitou o traslado sanitario en ambulancia.
Ao igual que aos servizos sanitarios, o 112 tamén informou os axentes da Policía Local e aos efectivos de Protección Civil. Os feitos tiveron lugar pasados uns minutos das 9,30 horas deste mércores.
