O Concello de Vigo ofertará este verán 19.500 prazas para campamentos urbanos e actividades de benestar, ocio e deportes para nenos e novos da cidade de entre tres e 35 anos.
Tal e como comunicou este martes nunha rolda de prensa o alcalde de Vigo, Abel Caballero, estas actividades divídense en tres bloques, campamentos urbanos para persoas de entre 4 e 18 anos, espazos de tempo libre para nenos de entre 3 e 13 anos, e actividades xuvenís para novos de entre 13 e 35 anos.
"Queremos facer dos campamentos unha grande actividade durante todo o verán", sinalou o mandatario, que engadiu que, ademais de incrementar as prazas, se mantiveron os prezos do ano anterior e "moitas actividades" seguen sendo gratuítas.
O prazo de preinscrición ás actividades --dirixidas a empadroados-- abrirase o próximo 26 de maio, e poderán presentarse as solicitudes de forma telemática, a través da web www.xuventudevigo.org, ou chamando o 010.
Finalmente, o rexedor indicou que se destinou para este servizo unha subvención duns 71.000 euros e destacou que o Concello disporá máis de 19.000 prazas mentres que a Xunta e a Deputación de Pontevedra ofrecen menos de 1.500 prazas en Vigo entre as dúas institucións.
