O tempo en Galicia será mañá soleado e seco, pola influencia anticiclónica, segundo a predición de MeteoGalicia.
Os ceos estarán pouco nubrados ou despexados e soprarán ventos de dirección variable, frouxos en xeral, aínda que serán de compoñente norte pola tarde.
As temperaturas serán baixas na madrugada e a primeiras horas da mañá, con xeadas xeneralizadas nas bisbarras do interior, aínda que as máximas superarán os 15 graos en moitos puntos de Galicia, polo que a sensación térmica nas horas centrais do día será primaveral.
As mínimas e máximas previstas para mañá mércores en Galicia son as seguintes: A Coruña 3°-15°, Cuntis 2°-17°, Ferrol 1°-15°, Fisterra 4°-14°, Lalín - 3°-15°, Lugo - 3°-15°, Monforte - 2°-16°, O Barco - 2°-17°, Ortigueira 2°-13°, Ourense - 3°-17°, Pedrafita 0°-12°, Pontevedra 3°-17°, Ribadeo 1°-13°, Santiago de Compostela 1°-16°, Verín - 7°-16°, Vigo 4°-16°, Vilagarcía 4°-16°, Viveiro 1°-13°.
Previsión marítima:
Na Costa Cantábrica soprará vento de dirección variable, forza 1 a 3, con mar rizado. A visibilidade será boa e haberá mar de fondo do noroeste, con ondas de 0,5 a 1 metros.
O vento entre Ártabro e Bares será de dirección variable, forza 1 a 3, con mar rizado. A visibilidade será boa e haberá mar de fondo do noroeste, con ondas de 0,5 a 1 metros pola mañá e de 0,5 a 1,5 metros pola tarde.
Na Costa da Morte o vento tamén será de dirección variable pola mañá e do nordés pola tarde, forza 1 a 3 pola mañá e 2 a 4 pola tarde, con mar rizado a maraxe. A visibilidade será boa e haberá mar de fondo do noroeste, con ondas de 0,5 a 1 metros pola mañá e de 0,5 a 1,5 metros pola tarde.
O vento nas Rías Baixas soprará de compoñente norte, forza 2 a 3 pola mañá e 3 a 4 pola tarde, con maraxe. A visibilidade será boa e haberá mar de fondo do noroeste, con ondas de 0,5 a 1 metros.
