Axentes do Corpo Nacional de Policía procederon á detención en Betanzos de varias persoas de nacionalidade romanesa acusadas de cometer roubos de artigos de grande valor en grandes superficies, segundo informa o Concello de Betanzos.
Nun comunicado, o alcalde, Ramón García Vázquez, que estivo ao corrente da operación, afirma que espera que 'se poña fin aos altercados que se producían na zona e que, en boa lóxica, trasladaban unha sensación de inseguridade aos veciños'.
Un dispositivo da Policía Nacional coordinado dende un xulgado de A Coruña, con intervención tamén de representantes dos xulgados de Betanzos, en colaboración coa Policía Local de Betanzos, posibilitou a detención de varias persoas de nacionalidade romanesa en dúas vivendas situadas nas rúas Quiroga e Noas.
Ademais de intervir varios vehículos por situación irregular, o grupo é responsable, presuntamente, de roubos, fundamentalmente, en grandes superficies das que levaron artigos de gran valor. Entre os implicados figuran tanto homes como mulleres. Segundo a casa do concello, no momento da actuación policial atopaba tamén o suposto xefe do grupo.
No dispositivo participaron diversas patrullas da Policía Nacional, os efectivos das cales foron os encargados de acceder aos dous inmobles nos que se atopaban as persoas detidas e identificadas (rúa Noas número 14 e Quiroga número 11), mentres que a Policía Local se centrou en acordoar as rúas nas que se levou a cabo a operación policial, co apoio tamén da Garda Civil.
Un dispositivo da Policía Nacional coordinado dende un xulgado de A Coruña, con intervención tamén de representantes dos xulgados de Betanzos, en colaboración coa Policía Local de Betanzos, posibilitou a detención de varias persoas de nacionalidade romanesa en dúas vivendas situadas nas rúas Quiroga e Noas.
Ademais de intervir varios vehículos por situación irregular, o grupo é responsable, presuntamente, de roubos, fundamentalmente, en grandes superficies das que levaron artigos de gran valor. Entre os implicados figuran tanto homes como mulleres. Segundo a casa do concello, no momento da actuación policial atopaba tamén o suposto xefe do grupo.
No dispositivo participaron diversas patrullas da Policía Nacional, os efectivos das cales foron os encargados de acceder aos dous inmobles nos que se atopaban as persoas detidas e identificadas (rúa Noas número 14 e Quiroga número 11), mentres que a Policía Local se centrou en acordoar as rúas nas que se levou a cabo a operación policial, co apoio tamén da Garda Civil.
