Unha muller de 38 anos, A.I.P.C., veciña de Talayuela (Cáceres), faleceu este mediodía cando o coche no que viaxaba no asento do copiloto sufriu unha saída de vía e chocou contra un noiro de pedra na estrada N-640, no termo municipal da Estrada, informaron fontes da Garda Civil.
O condutor do vehículo sinistrado, P.C.P., veciño do Navalmoral de la Mata de 35 anos, resultou ferido leve, e a outra ocupante, C.P.C., de 29 anos, tamén veciña de Talayuela, sufriu feridas de gravidade, polo que foi trasladada ao Hospital Clínico de Santiago de Compostela.
O sinistro produciuse no quilómetro 193,7 da N-640 en sentido a Vegadeo, onde o vehículo saíu da vía pola marxe dereita e chocou contra un noiro vertical de pedra, que o devolveu á calzada.
A Garda Civil de Tráfico de Pontevedra informa de que o condutor e a copiloto, que resultou falecida, levaban posto o cinto de seguridade, punto que non pode precisar sobre a terceira ocupante do vehículo sinistrado, que foi derivada ao citado centro hospitalario da capital galega.
