Os efectivos trasladados tiveron que excarcerar unha das persoas feridas dun vehículo, mentres que a outra puido saír polos seus propios medios
Dúas persoas resultaron feridas nunha colisión na rúa Igrexa, en Olveira, no municipio coruñés de Ribeira, segundo informou na súa última parte a Central de Atención ás Emerxencias 112. Ambas as dúas foron evacuadas a un centro hospitalario.
Como consecuencia do sinistro, que tivo lugar sobre as 17,00 horas, deuse aviso a Urxencias Médicas, aos Bombeiros de Ribeira e de Boiro, aos axentes da Garda Civil de Tráfico e a membros do GAEM e de Protección Civil de Ribeira.
Os efectivos trasladados tiveron que excarcerar unha das persoas feridas dun vehículo, mentres que a outra puido saír polos seus propios medios, aínda que ambos os dous foron levados ao hospital do Barbanza.
ACCIDENTE EN CULLEREDO
Por outro lado, o condutor dun camión de paquetería resultou ferido ao envorcar o vehículo que dirixía. O sinistro tivo lugar pasados uns minutos das 17,30 horas, no polígono industrial de Ledoño.
A raíz do sinistro foron avisados Urxencias Médicas, a Policía Local e Protección Civil de Culleredo.
O 112 tamén recibiu o aviso doutro suceso en Abegondo, ao respecto dun incendio nun tractor na parroquia de Montouto. Neste caso, desprazáronse ao punto os Bombeiros de Ordes, así como tamén foron avisados a Garda Civil e Protección Civil.
