Segundo informou a Central de Atención a Emerxencias 112-Galicia, o suceso aconteceu sobre as 12,20 horas deste luns na estrada PO-308
Unha persoa resultou ferida na mañá deste luns na localidade pontevedresa de Poio despois de colisionar a moto que conducía contra unha furgoneta.
Segundo informou a Central de Atención a Emerxencias 112-Galicia, o suceso aconteceu sobre as 12,20 horas deste luns na estrada PO-308, no lugar de Chancelas.
Ata o lugar do suceso desprazáronse efectivos de Protección Civil e Garda Civil de Tráfico, así como unha dotación medica de Urxencias Sanitarias-061, que trasladou ao ferido a un centro hospitalario.
