O director da zona un de Correos, Ángel Pérez, presentou este volume editado co fin de contribuír á difusión da imaxe de España no mundo
O delegado do Goberno en Galicia, Santiago Villanueva, aplaudiu hoxe a publicación do libro "Marca España" de Correos no que se salientan "as innumerables fortalezas de España".
O director da zona un de Correos, Ángel Pérez, presentou este volume editado co fin de contribuír á difusión da imaxe de España no mundo, cun prezo de corenta euros e á venda en todas as oficinas da empresa.
Pérez detallou que o volume recolle os sete selos da serie filatélica "Marca España", cun xenérico e outros seis por cada unha das letras que compoñen a palabra que dá nome á nación.
O "E" representa a empresa, o "S" fala do sol, o "P" é de patrimonio mentres que o "A" está dedicado á arte e o último "A" é de avance, polas innovacións que se fan no país.
Queda o "Ñ", coa distinción especial de ser o "signo distintivo do idioma español" e destaca "a importancia internacional" tanto polos millóns de falantes como pola riqueza da literatura.
Santiago Villanueva aplaudiu a iniciativa que chega co "obxectivo de dar a coñecer a imaxe do país "e "salientar as innumerables fortalezas de España".
Subliñou o apoio e asesoramento do alto comisionado da Marca España, que contribuíu a desenvolver un volume é unha auténtica xoia de coleccionista.
Precisamente deste sector chega José Luis Rey, representante da Federación Galega de Sociedades Filatélicas, que cualificou o volume de "marabilloso" aínda que solicitou "edicións económicas e divulgativas para nenos", ao que accedeu o responsable de Correos.
