O voceiro nacional do BNG, Guillerme Vázquez, fixo un chamamento hoxe en Lugo á poboación a participar na folga xeral convocada polos sindicatos contra a reforma laboral, porque 'facilita o despedimento e ao final ademais conseguirá abaratar os salarios, conseguir unha baixada salarial xeneralizada'.
Nunha reunión cun grupo de xornalistas, Vázquez alertou de que a reforma 'terá consecuencias negativas para a economía en xeral' entre as que destacou 'a baixada de salarios que provocará' e que 'levará a un descenso do consumo que prexudicará notablemente as pequenas, medianas empresas e autónomos'.
Ademais, opinou que a reforma 'non vai solucionar absolutamente nada, e é tan descarado que ata o propio -presidente do Goberno, Mariano- Rajoy, nos pide que durante 2012, coa reforma en marcha, haberá 600.000 desempregados máis'.
Por iso, o líder do BNG concluíu que 'o único que hai que negociar é a súa retirada', dixo en alusión aos plans do Goberno central.
