O suceso tivo lugar sobre as 19,00 horas da tarde do sábado na parroquia de Alcabre e ao lugar trasladáronse os bombeiros da cidade.
Un home resultou ferido ao explotarlle un cámping gas que manipulaba no seu domicilio, situado no Camiño Freixeiro, na parroquia de Alcabre de Vigo.
Segundo informou o CAE 112 Galicia, o suceso tivo lugar sobre as 19,00 horas da tarde do sábado e ao lugar trasladáronse os bombeiros da cidade. Con todo, non chegaron a intervir xa que a explosión non produciu lume.
Así mesmo, tamén acudiron ao lugar efectivos da Policía Nacional e Local, así como de Protección Civil de Vigo. O home foi trasladado polos servizos de Urxencias Médicas 061 a un centro hospitalario para recibir atención médica, xa que presentaba varias queimaduras.
