O desaloxamento do poboado de Penamoa (A Coruña), un dos últimos asentamentos de infravivendas de Galicia, continuou hoxe co derrubamento por orde xudicial doutras seis chabolas ante os berros e insultos dalgúns dos afectados, que chegaron incluso a queimar a súa propia vivenda.
O operativo, con gran presenza policial, iniciouse sobre as 10.00 horas cando os operarios do Concello procederon, en primeiro lugar, a retirar a uralita -presuntamente contaminada con amianto- para transportala posteriormente a un vertedoiro especializado.
Posteriormente, comezaron os novos derrubamentos, encadrados no proceso xudicial emprendido polo Concello para completar o desaloxamento do poboado chabolista, onde apenas quedan xa unha decena de chabolas propiedade das familias que non quixeron sumarse ao plan municipal de integración.
Do mesmo xeito que ocorreu nas intervencións anteriores, os afectados proferiron berros e insultos contra os responsábeis municipais de servizos sociais e incluso un deles incendiou a súa vivenda minutos antes de que fose derrubada, o que obrigou os bombeiros a intervir para apagar o lume.
Posteriormente, comezaron os novos derrubamentos, encadrados no proceso xudicial emprendido polo Concello para completar o desaloxamento do poboado chabolista, onde apenas quedan xa unha decena de chabolas propiedade das familias que non quixeron sumarse ao plan municipal de integración.
Do mesmo xeito que ocorreu nas intervencións anteriores, os afectados proferiron berros e insultos contra os responsábeis municipais de servizos sociais e incluso un deles incendiou a súa vivenda minutos antes de que fose derrubada, o que obrigou os bombeiros a intervir para apagar o lume.
