A Garda Civil do Carballiño localizou este mediodía no lugar da Carreira en Maside (Ourense) dous cadáveres nun alpendre, un pertencente a unha muller duns 85 anos de idade, que presentaba un traumatismo na cabeza e o outro, dun home de 57 anos, que apareceu aforcado.
Segundo fontes da investigación, os feitos ocorreron hoxe ás horas 12.40, no municipio ourensán de Maside, cando un traballador que realizaba unhas obras nas inmediacións, alertou a Emerxencias do achado dos dous corpos.
Nestes momentos, a Garda Civil investiga as causas do suceso.
