A muller foi atendida no mesmo punto do accidente, pero faleceu por mor da gravidade das súas feridas.
Unha muller de 58 anos, con iniciais M.V.S. e veciña do concello de Begonte, perdeu a vida esta mañá nun accidente de circulación que se produciu nese mesmo municipio lucense.
Segundo informou o subsector de Tráfico da Garda Civil de Lugo, o accidente -unha saída de vía- rexistrouse en torno ao quilómetro 64 da estrada provincial DP-1611, que comunica os municipios de Friol e Begonte.
A central de coordinación do 061 recibiu aviso do sinistro ás 07:57 horas e enviou ao lugar do accidente a unha ambulancia asistencial e a persoal sanitario do centro de saúde de Begonte-
A muller foi atendida no mesmo punto, pero faleceu por mor da gravidade das súas feridas.
