Antigo militante do BNG, David Fernández Calviño fala de si mesmo como un 'científico en paro, como tantos outros'. Nestas eleccións é tamén o candidato de Alternativa Galega de Esquerda por Ourense.
Non son alleos á política en xeral. Que diferencia esta campaña das anteriores?
Somos unha coalición aínda sen oportunidade de gobernar. Presentámonos a estas eleccións porque consideramos que moitísima xente está decepcionada, entre eles nós cos partidos que actualmente contan con representación parlamentaria. Cremos que somos unha garantía de que o estado de benestar van ser a nosa prioridade por riba de todo. As persoas que levamos teñen unha credibilidade moi alta. Nisto poño como exemplo a Xosé Manuel Beiras, unha persoa que sempre dixo o que pensaba independentemente do lugar que lle tocou vivir. Un dos problemas de militar nos partidos tradicionais é que non podes dicir o que realmente pensas, senón que tes que mentir e desviar a atención. Nós estamos dispostos a afrontar a realidade, as cousas son como son.
Precisamente Beiras foi criticado por esa volta á primeira liña política. Que avala a súa candidatura?
El volveu porque llo pedimos nós. É unha persoa que ten demostrado que nunca se vendeu, sempre defendeu o mesmo e para nós é moi importante que veña, por esa credibilidade que nos aporta.
Están facendo unha das campañas máis guerreiras, con ese Hai que paralos!. A que sector da cidadanía dirixen esta mensaxe?
Pois ó 95% da sociedade. O maior problema que vemos nós hoxe en día é que cos servizos públicos, para nós un dereito fundamental, o PP está intentando facer negocio de xeito descarado. Nós somos contrarios á privatización tanto en Educación como en Sanidade.
Fálase dunha ruptura entre a clase política e a sociedade. Quen ten a culpa?
Nós cremos que ó propio sistema non lle interesa que á xente lle interese a política. De feito, tódolos que din que os políticos son todos iguais, despois votan ó PP. É algo que se lle está metendo á xente na cabeza e é algo propio do sistema. Non queren que a xente participe, nin que se dea conta das barbaridades que están facendo. O señor Feijóo, por exemplo, pertence a un partido que sempre fala de que hai que adelgazar o Estado e, pola contra, el é un experto en colocar á súa familia en bos postos. Estes señores só están na política para lucrarse. Nós dicímolo así de claro porque non é un negocio, senón un servizo público. Eu quero aportar o meu grao de area á sociedade, sempre vou participar para que o mundo sexa mellor, sexa dende a política ou dende calquera outro ámbito. É normal que a xente estea enfadada, poruqe se están dando casos escandalosos. Nós non somos clase política, somos persoas.
As enquisas varían en número de parlamentarios pero, en calquera caso, estanlle sendo favorables a AGE.
Tódalas que hai si que nos dan representación, pero eu non as creo. Non é posible que unhas dean un deputado e outras oito. Xa veremos o que pasa o día 21. Eu estou convencido de que a medida de que a xente nos coñece, imos conseguir algo.
Barallaron xa o que acontecería chegado o punto de que de vostedes dependera unha coalición de goberno?
Temos clarísimo que a nosa prioridade é eliminar ó PP porque nunca houbera un goberno tan malo. Non imos participar nun reparto de cromos; temos un programa e non imos permitir que determinadas barreiras se traspasen. Para nós a prioridade é cambiar as políticas, non estar no goberno. Iso non quere dicir que non poidamos estar.
Somos unha coalición aínda sen oportunidade de gobernar. Presentámonos a estas eleccións porque consideramos que moitísima xente está decepcionada, entre eles nós cos partidos que actualmente contan con representación parlamentaria. Cremos que somos unha garantía de que o estado de benestar van ser a nosa prioridade por riba de todo. As persoas que levamos teñen unha credibilidade moi alta. Nisto poño como exemplo a Xosé Manuel Beiras, unha persoa que sempre dixo o que pensaba independentemente do lugar que lle tocou vivir. Un dos problemas de militar nos partidos tradicionais é que non podes dicir o que realmente pensas, senón que tes que mentir e desviar a atención. Nós estamos dispostos a afrontar a realidade, as cousas son como son.
Precisamente Beiras foi criticado por esa volta á primeira liña política. Que avala a súa candidatura?
El volveu porque llo pedimos nós. É unha persoa que ten demostrado que nunca se vendeu, sempre defendeu o mesmo e para nós é moi importante que veña, por esa credibilidade que nos aporta.
Están facendo unha das campañas máis guerreiras, con ese Hai que paralos!. A que sector da cidadanía dirixen esta mensaxe?
Pois ó 95% da sociedade. O maior problema que vemos nós hoxe en día é que cos servizos públicos, para nós un dereito fundamental, o PP está intentando facer negocio de xeito descarado. Nós somos contrarios á privatización tanto en Educación como en Sanidade.
Fálase dunha ruptura entre a clase política e a sociedade. Quen ten a culpa?
Nós cremos que ó propio sistema non lle interesa que á xente lle interese a política. De feito, tódolos que din que os políticos son todos iguais, despois votan ó PP. É algo que se lle está metendo á xente na cabeza e é algo propio do sistema. Non queren que a xente participe, nin que se dea conta das barbaridades que están facendo. O señor Feijóo, por exemplo, pertence a un partido que sempre fala de que hai que adelgazar o Estado e, pola contra, el é un experto en colocar á súa familia en bos postos. Estes señores só están na política para lucrarse. Nós dicímolo así de claro porque non é un negocio, senón un servizo público. Eu quero aportar o meu grao de area á sociedade, sempre vou participar para que o mundo sexa mellor, sexa dende a política ou dende calquera outro ámbito. É normal que a xente estea enfadada, poruqe se están dando casos escandalosos. Nós non somos clase política, somos persoas.
As enquisas varían en número de parlamentarios pero, en calquera caso, estanlle sendo favorables a AGE.
Tódalas que hai si que nos dan representación, pero eu non as creo. Non é posible que unhas dean un deputado e outras oito. Xa veremos o que pasa o día 21. Eu estou convencido de que a medida de que a xente nos coñece, imos conseguir algo.
Barallaron xa o que acontecería chegado o punto de que de vostedes dependera unha coalición de goberno?
Temos clarísimo que a nosa prioridade é eliminar ó PP porque nunca houbera un goberno tan malo. Non imos participar nun reparto de cromos; temos un programa e non imos permitir que determinadas barreiras se traspasen. Para nós a prioridade é cambiar as políticas, non estar no goberno. Iso non quere dicir que non poidamos estar.