O tempo en Galicia manterase mañá estable, pola influencia anticiclónica, que propiciará ceos despexados, aínda que persistirán as xeadas nas bisbarras do interior, segundo a predición de MeteoGalicia.
Soprarán ventos de dirección variable que serán moi frouxos en xeral.
As temperaturas manteranse estables e persistirán as xeadas en bisbarras do interior.
As mínimas e máximas previstas para mañá martes en Galicia, son as seguintes: A Coruña 4°-14°, Cuntis 3°-14°, Ferrol 4°-14°, Fisterra 5°-14°, Lalín - 3°-12°, Lugo - 3°-13°, Monforte - 3°-13°, O Barco - 2°-15°, Ortigueira 3°-14°, Ourense - 1°-16°, Pedrafita - 2°-8°, Pontevedra 4°-16°, Ribadeo 2°-14°, Santiago de Compostela 2°-13°, Verín - 6°-15°, Vigo 5°-15°, Vilagarcía 4°-15°, Viveiro 2°-14°.
Previsión marítima:
Na Costa Cantábrica soprarán ventos de dirección variable, forza 2 a 3 pola mañá e 1 a 2 pola tarde, con maraxe a mar rizado. A visibilidade será boa e haberá mar de fondo do norte con ondas de 0,5 a 1,5 metros pola mañá e de 0,5 a 1 metros pola tarde.
O vento entre Ártabro e Bares será, tamén, de dirección variable, forza 2 a 3 pola mañá e 1 a 3 pola tarde, con maraxe. A visibilidade será boa e haberá mar de fondo do norte con ondas de 0,5 a 1,5 metros pola mañá e de 0,5 a 1 metros pola tarde.
Na Costa da Morte o vento predominante será de dirección variable, forza 1 a 3, con maraxe. A visibilidade será boa e haberá mar de fondo do norte con ondas de 0,5 a 1,5 metros pola mañá e de 0,5 a 1 metros pola tarde.
O vento nas Rías Baixas soprará de dirección variable, forza 1 a 3, con maraxe. A visibilidade será boa e haberá mar de fondo do noroeste, con ondas de 0,5 a 1 metros.
