A Coruña celebrou este venres un acto de conmemoración no día de María Auxiliadora, patroa da Policía Local, cunha exhibición de motos na praza de María Pita e a entrega de cinco medallas ao mérito policial.
Debido á ausencia do alcalde Carlos Negreira, o tenente de alcalde de Seguridade e Mobilidade, Julio Flores, presidiu o acto, no que agradeceu o labor diario de todos os efectivos velando polo mantemento da seguridade e a convivencia veciñal da cidade.
Flores tamén se referiu ao despregamento da policía de Barrio, á colaboración cos demais corpos de seguridade e ao programa de Policía Comunitaria.
No acto entregáronse cinco medallas ao mérito policial ao inspector José Roca Loureda, aos oficiais José Ángel Barallobre Cancela e Carlos Víctor Fernández López, e aos policías Juan Daniel Dequidt López e Manuel Sandá Sánchez.
Ademais, entregáronse dous diplomas aos axentes de Policía Local que deixaron o corpo en 2013: Agustín Sánchez Seoane e Manuel Rico Quintela.