O Xulgado de Instrución número 2 da Coruña decretou prisión provisional sen fianza para tres detidos pola morte do mozo colombiano Yonier Alejandro.
O xuíz tomou esta decisión despois de que as persoas detidas prestasen declaración hoxe, informou o Tribunal Superior de Xustiza de Galicia (TSXG) nun comunicado.
O suceso produciuse na madrugada do día 12 de xaneiro, cando un mozo de 25 anos foi apuñalado por varios descoñecidos na rúa San Diego da Coruña.
O ferido foi trasladado con vida ao Complexo Hospitalario da Coruña, onde finalmente faleceu.
