O PSdeG instou hoxe o presidente da Xunta e do PPdeG, Alberto Núñez Feijóo, a non 'fuxir das explicacións' acerca do apuntamento dos papeis de Bárcenas recoñecido polo considerado número dous da trama Gürtel Pablo Crespo de 21 millóns de pesetas relacionado co PP en Galicia.
Crespo admitiu onte perante o xuíz a veracidade deste apuntamento de 21 millóns de pesetas (126.000 euros) en 1999 e explicou que é a devolución dun préstamo electoral do PP nacional ao partido en Galicia, do que el era secretario de Organización, posto que ocupou entre 1996 e 1999.
A viceportavoz do grupo socialista no Parlamento galego, Carmen Gallego, dixo hoxe aos xornalistas que Núñez Feijóo debe explicar a súa relación con Crespo e o 'traspaso de diñeiro' entre o PPdeG e a trama Gürtel, sostivo, pois cando o presidente dos populares galegos 'chegou a conselleiro de Política Territorial cesou todos os cargos en Portos de Galicia mais mantivo durante dous anos e até 2005 a Pablo Crespo'.
'É o día en que o señor Feijóo ten que comparecer e dar a cara e esperemos que non faga o que vén facendo co outro caso, as súas fotos inmorais co señor Marcial Dorado, que é sempre fuxir das explicacións e intentar devolver á oposición as preguntas en vez de responder, o que é a súa responsabilidade como presidente da Xunta de Galicia', argumentou.
A viceportavoz do grupo socialista no Parlamento galego, Carmen Gallego, dixo hoxe aos xornalistas que Núñez Feijóo debe explicar a súa relación con Crespo e o 'traspaso de diñeiro' entre o PPdeG e a trama Gürtel, sostivo, pois cando o presidente dos populares galegos 'chegou a conselleiro de Política Territorial cesou todos os cargos en Portos de Galicia mais mantivo durante dous anos e até 2005 a Pablo Crespo'.
'É o día en que o señor Feijóo ten que comparecer e dar a cara e esperemos que non faga o que vén facendo co outro caso, as súas fotos inmorais co señor Marcial Dorado, que é sempre fuxir das explicacións e intentar devolver á oposición as preguntas en vez de responder, o que é a súa responsabilidade como presidente da Xunta de Galicia', argumentou.
