As cifras tamén varían segundo o seu emisor. A Xunta di que en Ourense se fixo un seguimento do 41,67% e os sindicatos de 85,5%. Ademáis, 31 xuizos foron suspendidos na xornada de este mércores
Os sindicatos volveron a situar en torno ao 81% o seguimento da folga na Administración da Xustiza en Galicia, un dato que de novo contrasta co ofrecido pola Xunta, que rebaixa ao 35,99% o paro.
Concretamente, o comité de folga, segundo os datos facilitados, cifra o seguimento do paro, no terceiro día da sexta semana, no 83% en Santiago, o 83% en Ferrol, 72% na Coruña, 85% en Pontevedra, 85% en Ourense, 79% en Lugo e 84% en Vigo.
Pola súa banda, a Administración de Xustiza asegurou que foron á folga un total de 984 persoas e rebaixou ao 35,99% de funcionarios que secundaron o paro. Por provincias, sinala que A Coruña rexistrou un seguimento do 34,48% por cento; Lugo, do 25,17%; Ourense, do 41,67%; e Pontevedra, do 39,62%.
Nos datos difundidos pola Xunta, especifícase que un total de 169 funcionarios non acudiron ao traballo por ausencia xustificada --vacacións, asuntos particulares ou días de libranza--, mentres que 775 cumpriron os servizos mínimos, que "se cumpriron na súa totalidade".
O venres, último encontro
O último encontro para tentar desbloquear o conflito tivo lugar o pasado venres, pero o acordo tampouco foi posible, e está previsto que volva haber outro esta semana. Ese día, a Xunta puxo sobre a mesa unha oferta de subida salarial lineal para todos os corpos (xestores, tramitadores e auxilios) de 105 euros máis ao mes a empezar a cobrar parcialmente en 2018.
A última proposta do comité de folga, no que están representados SPJ-USO, Alternativas na Xustiza-CUT, UXT, STAJ, CSIF, CIG e CC.OO., é de 190 euros máis ao mes e, aínda que non se votou ningunha cantidade, os traballadores si reflectiron nas asembleas celebradas a petición de que non se rebaixe esta esixencia.
