A torre de Hércules, inscrita na lista do Patrimonio Mundial da Unesco, reabriu hoxe a porta ao público despois de permanecer máis de seis meses pechada por traballos de mellora e conservación do monumento.
Con motivo desta apertura, o alcalde da Coruña, Carlos Negreira, destacou que os traballos se inscriben nun plan estratéxico que permite cumprir coas recomendacións da Unesco para a conservación do monumento, acondicionar o faro e ofrecer a máxima seguridade e unha mellor atención a turistas e visitantes.
Negreira asegurou que o compromiso do Goberno municipal da Coruña é converter a torre nun referente turístico mediante o proxecto de restauración e promover as festas das Fogueiras de San Xoán, o que outorgará á cidade un 'plus económico'.
O alcalde coruñés explicou que o peche do faro romano se acordou non só para as obras, mais tamén para regularizar a xestión do monumento, tendo en conta que existía un contrato 'ilegal' desde 2010.
O rexedor subliñou que as decisións estratéxicas adoptadas até agora serán apoiadas por un plan en que se detalla como explotar o monumento como referente cultural e turístico, e polo novo plan xeral.
'Aseguramos urbanisticamente a torre coa eliminación dos cinco edificios. Se se consolidase a decisión do bipartito suporía despoxar a torre do título de Patrimonio da Humanidade', indicou.
O faro romano reabriu a porta con novo persoal contratado e contará por primeira vez, e como esixe o Icomos -o organismo supervisor da Unesco- cun director-coordinador.
A partir de hoxe, o monumento máis emblemático da Coruña contará cun novo equipo de servizos e cun centro de interpretación provisional.
O novo centro de interpretación é en latón, un material que se encontra na propia torre e que tamén era utilizado na arquitectura romana.
No seu interior poderase obter información sobre aspectos do monumento e os seus arredores que puider interesar ao visitante: a historia, a configuración do edificio, a súa función de faro e a súa importancia con respecto a rutas comerciais desde Roma até a actualidade ou incluso situar o visitante no contexto temporal que deu orixe a este faro.
De todas as obras previstas, entre as que figuraban a substitución dun pararraios, tan só fica pendente a restauración dos paramentos dunha das cámaras, un traballo arqueolóxico lento e complexo mais que non impide nin dificulta as visitas.
O Concello aproveitou o peche da torre para regularizar a situación do servizo de atención ao público, un polémico proceso que terminou en demandas por parte dos antigos traballadores.
Nesta nova etapa o servizo de atención ao público estará composto por once informadores turísticos e unha coordinadora que falan dez idiomas: español, galego, catalán, inglés, francés, alemán, italiano, portugués, suízo e xaponés.
Por outro lado, o Concello continúa potenciando o terceiro aniversario da declaración da torre na lista da Unesco.
Así, foron enviadas a todos os colexios da cidade preto de 18.000 invitacións animando os nenos a realizaren un debuxo para regalar á torre e que poderán levar no día 29 para participaren nun concurso.
Negreira asegurou que o compromiso do Goberno municipal da Coruña é converter a torre nun referente turístico mediante o proxecto de restauración e promover as festas das Fogueiras de San Xoán, o que outorgará á cidade un 'plus económico'.
O alcalde coruñés explicou que o peche do faro romano se acordou non só para as obras, mais tamén para regularizar a xestión do monumento, tendo en conta que existía un contrato 'ilegal' desde 2010.
O rexedor subliñou que as decisións estratéxicas adoptadas até agora serán apoiadas por un plan en que se detalla como explotar o monumento como referente cultural e turístico, e polo novo plan xeral.
'Aseguramos urbanisticamente a torre coa eliminación dos cinco edificios. Se se consolidase a decisión do bipartito suporía despoxar a torre do título de Patrimonio da Humanidade', indicou.
O faro romano reabriu a porta con novo persoal contratado e contará por primeira vez, e como esixe o Icomos -o organismo supervisor da Unesco- cun director-coordinador.
A partir de hoxe, o monumento máis emblemático da Coruña contará cun novo equipo de servizos e cun centro de interpretación provisional.
O novo centro de interpretación é en latón, un material que se encontra na propia torre e que tamén era utilizado na arquitectura romana.
No seu interior poderase obter información sobre aspectos do monumento e os seus arredores que puider interesar ao visitante: a historia, a configuración do edificio, a súa función de faro e a súa importancia con respecto a rutas comerciais desde Roma até a actualidade ou incluso situar o visitante no contexto temporal que deu orixe a este faro.
De todas as obras previstas, entre as que figuraban a substitución dun pararraios, tan só fica pendente a restauración dos paramentos dunha das cámaras, un traballo arqueolóxico lento e complexo mais que non impide nin dificulta as visitas.
O Concello aproveitou o peche da torre para regularizar a situación do servizo de atención ao público, un polémico proceso que terminou en demandas por parte dos antigos traballadores.
Nesta nova etapa o servizo de atención ao público estará composto por once informadores turísticos e unha coordinadora que falan dez idiomas: español, galego, catalán, inglés, francés, alemán, italiano, portugués, suízo e xaponés.
Por outro lado, o Concello continúa potenciando o terceiro aniversario da declaración da torre na lista da Unesco.
Así, foron enviadas a todos os colexios da cidade preto de 18.000 invitacións animando os nenos a realizaren un debuxo para regalar á torre e que poderán levar no día 29 para participaren nun concurso.
