O valedor do Pobo, Benigno López, abriu unha investigación de oficio para investigar a presunta presenza de menores de idade consumindo alcohol nos botellones que se produzan cada fin de semana en diferentes puntos da comunidade. Neste sentido, dirixiuse nun primeiro momento aos alcaldes das sete grandes cidades galegas, co fin de que aclaren esta práctica e expliquen as medidas desenvolvidas para frealas.
Nas cartas remitidas aos alcaldes da Coruña, Santiago de Compostela, Ferrol, Pontevedra, Vigo, Ourense e Lugo, o valedor informa da apertura dunha investigación para estudar 'este relevante problema', iniciativa que asume tras coñecer, por diversas fontes, incluídas medios de comunicación, que nenos menores de idade 'poidan estar a participar e consumir alcohol en diferentes botellones'.
'O interese superior dos menores, recoñecido no artigo 3 da Convención de Nacións Unidades de Dereitos do Neno, esixe que os poderes públicos leven a cabo labores de supervisión para a protección da saúde física e mental', manifestou Benigno López no seu escrito, no que tamén alude á lexislación galega que prohibe que os menores de 18 anos consuman bebidas alcohólicas.
Esta normativa establece un sistema de infraccións para tratar de asegurar o cumprimento das súas previsións que, segundo o representante do alto comisionado, no seu artigo 30 habilita os alcaldes, entre outros axentes, para a competencia sancionadora.
Ademais, o artigo 38 establece que a administración local debe adoptar medidas preventivas dirixidas a asegurar o cumprimento do establecido na mencionada lei e velar polo cumprimento das diferentes medidas de control.
'O interese superior dos menores, recoñecido no artigo 3 da Convención de Nacións Unidades de Dereitos do Neno, esixe que os poderes públicos leven a cabo labores de supervisión para a protección da saúde física e mental', manifestou Benigno López no seu escrito, no que tamén alude á lexislación galega que prohibe que os menores de 18 anos consuman bebidas alcohólicas.
Esta normativa establece un sistema de infraccións para tratar de asegurar o cumprimento das súas previsións que, segundo o representante do alto comisionado, no seu artigo 30 habilita os alcaldes, entre outros axentes, para a competencia sancionadora.
Ademais, o artigo 38 establece que a administración local debe adoptar medidas preventivas dirixidas a asegurar o cumprimento do establecido na mencionada lei e velar polo cumprimento das diferentes medidas de control.
