Entrevista con Tanxugueiras, 'cruzada pola liberdade'

Tanxugueiras, o grupo musical galego de cantareiras e pandeireteiras que saltou á fama hai dous anos no Benidorm Fest, actuará no Ouren Sound Fest o 25 de maio e fará gala dunha folktrónica que excede calquera moda e, máis aínda, un concurso de televisión. “Será un concerto moi intenso, non que a cultura, a raíz e a lingua collerán ou papel protagonista e non que a xente poderá bailar, cantar, emocionarse. Imos con moita forza”, argumenta Aida Tarrío, integrante xunto coas irmás Olaia e Sabela Maneiro do combo que leva editados os traballos “Tanxugueiras” (2018), “Contrapunto” (2019) e “Diluvio” (2022).

Aínda que cando saltaron á fama xa tiñan moita experiencia, como fixeron para xestionar tamaño suceso mediático causado a partir do Benidorm Fest? Cal é hoxe a vosa lectura daquel momento?

A experiencia do Benidorm Fest e todo o que aconteceu despois foi moi forte. Tivemos que aprender moitas cousas en moi pouco tempo, sobre todo a lidiar ca sobreexposición, tanto no bo, como no mal sentido. Nós xa levabamos moitos anos de carreira, mais dun momento para outro fíxose todo tremendamente grande e houbo moitas cousas que nos pillaron moi desprevindas, pero con constancia e coa axuda da nosa xente e equipa conseguimos sacar todo adiante. A lectura de toda esta viaxe sempre foi positiva, todo isto deulle un empuxón ao proxecto incrible e fixo que a nosa música, lingua e cultura chegara a escenarios nos que xamais tivo presencia. O mellor resumen, e que grazas e exposición que nos brindou o Benidorm Fest, a nosa cultura e lingua tivo a visibilidade que se merecía, e xa soamente por iso, pagou a pena.

Desde os mesmos inicios da vosa carreira, son altofalantes de causas como a diversidade lingüística, a irmandade cultural, o apoderamento de todas as nenas e mulleres. Sentiron nalgún momento algún tipo de presión por esperarse de vostedes que enarborasen bandeiras máis ideolóxicas que artísticas?

-Nós somos mulleres que avogamos pola liberdade. Sabemos que temos un altofalante moi grande que dende os inicios do grupo foi utilizado para falar dos temas que máis nos tocan a nós, como por exemplo, o feminismo. Escóitanos moita xente, e sobre todo moita cativabada, polo que sentir presión é moi fácil. Moitas veces abordamos temáticas moi delicadas, e por iso intentamos facelo dende o máximo respecto e con fundamento. A música é a base do proxecto, pero se ademais podemos falar de temas relevantes e influíntes para nós e cos que podemos aportar o noso grao de arena en certos ámbitos, farémolo