A Casa do Maior de Riós organiza todos os meses diferentes obradoiros para promover o envellecemento activo entre os seus usuarios e veciños do municipio. Durante setembro acollerán o “mes do espello”.
Dende a organización preparan talleres activos, dentro deste programa, para os martes e xoves. A primeira cita semanal enfocará as actividades na memoria a través dos espellos, mentres que os xoves realizaranse accións para o alivio emocional e risoterapia. Durante o mes de agosto, os usuarios celebraron o “mes do mosaico”.
Dende o Concello de Riós informan de que os interesados en participar neste obradoiro deberán anotarse a través do número de teléfono 988 59 44 87 ou achegándose ata a Casa do Maior. Unha actividade que se realiza a través da inversión da Consellería de Política Social e Xuventude.
Máis alá destes obradoiros, a Casa do Maior de Riós organiza numerosas actividades cos usuarios. Dende cociña ata saídas pola comarca ou xogos de memoria. A última das visitas foi ao balneario de Cabreiroá e para comezar o mes de setembro, os maiores recibiron a visita dos nenos da ludoteca do Riós, para intercambiar pensamentos, ideas e desfrutar de tempo de calidade. E como non podía ser doutra maneira, no centro organizan variados talleres de manualidades para decorar a Casa do Maior.
