A Casa da Cultura de Verín acollerá a conferencia "Cristianismo Primitivo e os Manuscritos do Mar Morto"
Hoxe xoves, ás 19,30 horas, o Salón de Actos da Casa da Cultura de Verín acollerá a conferencia “Cristianismo Primitivo e os Manuscritos do Mar Morto”, a cargo do catedrático de Filoloxía Grega, Antonio Pérez Sáenz (Chipiona, Cádiz. 1941). O evento, organizado pola Biblioteca Municipal do Concello de Verín, será moderado polo doutor Manuel Mandianes, antropólogo e teólogo de Xinzo de Limia.
En 1945, moi preto da localidade de Nag Hammadi (situada no alto Exipto), uns campesiños atoparon nunha cova doce códices de papiro e fragmentos doutro, ocultos nunhas vasillas seladas. En 1947, nunhas covas de Qumrán, preto do mar Morto, uns pastores acharon sete rolos de pergamiño cun total de máis de novecentos manuscritos mentres buscaban unha cabra perdida.
Presentación da obra
No libro que hoxe presenta, "Gnosis, Cristianismo primitivo e Manuscritos do Mar Morto" (ed. Tritemio, 2016), o profesor Piñero, unha das máximas autoridades en cristianismo primitivo, ofrece un extraordinario estudo sobre o impacto destes descubrimentos, especialmente no referido á gnoses, unha forma de pensamento que tivo moita influencia no xudeocristianismo antigo.
