Silvia Calviño e Sheila Prieto Estévez obtiveron os respectivos primeiros premios das súas categorías
Co poema titulado "Di non ao racismo", Yésica Suárez Montoya, alumna de 6º do CEIP Princesa de España foi, na modalidade de quinto e sexto de Primaria, a gañadora do Certame de Poesía organizado polo Concello de Verín. A gañadora é unha nena de etnia xitana que vive no Grupo Monterrei de Verín. A súa obra, presentada baixo plica, como todas as que concorreron á fase final, para que o xurado ignorase tanto a autoría como o centro que a preseleccionou, é un exemplo, cando menos en dous aspectos. Ademais do valor literario, que foi o determinante para ser premiada, demostra que nin un idioma alleo ao familiar nin os condicionantes socioeconómicos limitan a capacidade creativa e a de transmisión a través da escritura, cando o centro de ensino e o entorno familiar directo teñen actitudes compensatorias e motivadoras.
Na modalidade de primeiro e segundo de ESO, a gañadora foi Silvia Calviño Álvarez, alumna de segundo do Colexio Plurilingüe María Inmaculada, coa poesía titulada "Hai que vivila". Sheila Prieto Estévez, alumna de carto do I.E.S. Castro de Baronceli, obtivo o primeiro premio na modalidade de tercero e carto de ESO, coa composición poética "Última esperanza".
Despois dunha fase de selección nos centros participantes, á fase final do Certame de Poesía chegaron un total de 26 autores, que recibiron un lote de libros e diploma. Ademais, en cada unha das tres modalidades, os primeiros premios están dotados con contías económicas: 90 euros para o primeiro, 60 para o segundo e 30 para o terceiro.
Primaria
Na modalidade de Primaria, o segundo premio foi para a poesía "Non me acoses" de Cristian Araujo Rodríguez, alumno de sexto do CEIP Amaro Refojo e o terceiro para o poema "A dor do mar" de Carmen Page Castro, alumna de quinto B do Colexio Plurilingüe María Inmaculada.
Na modalidade de primeiro e segundo de ESO, Rodrigo González Álvarez, alumno de primeiro B do Colexio Plurilingüe María Inmaculada, co poema "Xa non vira o cataventos", obtivo o segundo premio. O terceiro foi para a composición poética "O acoso" de Miguel Rodrigo Pañeda Carrera, alumno de segundo do Colexio Apostólico Mercedario.
En tercero e carto de ESO, obtivo o segundo premio a poesía "Non á violencia" de Mario Esteban Gómez, alumno do Colexio Apostólico Mercedario. O terceiro premio foi para "O voltar das meigas" de Antía González Reis, alumna do María Inmaculada.
