O punto de partida será o campo da festa de Madarnás, fronte ao local da asociación de veciños desta parroquia, ás 22,00 horas, en que terá lugar a andaina
Por sexto ano, o Centro de Estudios Chamoso Lamas organiza para este próximo venres, 4 de agosto, unha nova andaina nocturna aos petroglifos de Cangues. Trátase dun percorrido duns 4 quilómetros de ida e volta para observar á luz das lanternas os grabados rupestres das rochas do parque castrexo de Cangues, no Concello do Irixo, que estará guiado polo arqueólogo Jorge Lamas e Adolfo Otero, integrantes do colectivo cultural carballiñés.
O punto de partida será o campo da festa de Madarnás, fronte ao local da asociación de veciños desta parroquia, ás 22,00 horas, en que terá lugar a andaina.
A organización recomenda levar lanternas, chalecos reflactarios, calzado cómodo e roupa de abrigo.
Non se precisa inscrición previa, senón acudir ao lugar da cita a partir das 21,30 horas.
Ao termo da andaina, que conta coa colaboración da Asociación de Veciños de Madarnás e do Concello do Carballiño, haberá unha queimada no local da asociación veciñal.
