A Concellería de Cultura do Carballiño mantén aberto o prazo de matrícula para as escolas municipais de teatro e danza.
Poderase solicitar a asistencia ás mesmas ata o remate das prazas que están a disposición das persoas que estean interesadas en formarse nas referidas escolas municipais.
As persoas interesadas deberán recoller o impreso da matrícula no departamento de Cultura do Concello do Carballiño e unha vez cumprimentado cos seus datos deberán recoller o recibo do importe da matrícula no Servizo de Recadación (situado na Rúa Faustino Santalices) para posteriormente realizar o pagamento nas dependencias do Concello e, finalmente, presentar a folla de matrícula xunto co resgardo do pagamento no rexistro municipal.
En teatro establécense os grupos de infantil, iniciación e perfeccionamento. Mentres que en danza poderase elexir entre zumba, ritmos latinos, pilates, ballet, funky e baile tradicional. O prezo da matrícula é de 14,92 euros.
