Abanca e o Centro Comercial Aberto Carballiño acaban de renovar a súa colaboración en materia financeira
Abanca e o Centro Comercial Aberto Carballiño acaban de renovar a súa colaboración en materia financeira, co obxectivo posto en mellorar o acceso ao crédito dos autónomos e pemes desta localidade ourensá. O presidente do Centro Comercial Aberto Carballiño, Julian Garriga Crespo, e o director de zona de Abanca en Ourense Oeste, Enrique Romero Reinoso, rubricaron un acordo que renova a aposta que mantén a entidade financeira co pequeno comercio de Galicia.
A asociación carballiñesa agrupa os intereses dos autónomos e pemes da localidade de Carballiño, que exercen a súa actividade en sectores estratéxicos. O Carballiño-CCA traballa intensamente por garantir a viabilidade do comercio local e Abanca conta coa rede máis extensa de oficinas en Galicia e cunha oferta axeitada para autónomos e pemes.
