Un grupo de veciños do municipio do Carballiño que participan no programa 'Fogares Verdes', promovido pola asociación ecoloxista Adega, visitaron o Complexo Medioambiental de Sogama en Cerceda coa pretensión de comprobar in situ a xestión industrial que reciben os residuos domiciliarios producidos diariamente na maior parte do territorio galego.
A través dun percorrido guiado e acompañados polo equipo de educadores da Sociedad, puideron coñecer de primeira man a actividade da planta de clasificación de envases lixeiros, onde se separan de forma automática os envases lixeiros pola cidadanía nos colectores amarelos, así como as instalacións que conforman o proceso de tratamento ao que é sometido o lixo convencional.
O obxectivo global de 'Fogares Verdes' é o de conseguir interiorizar comportamentos máis ecolóxicos que posibiliten a redución do consumo de auga entre un 6% e un 10%, así como as emisións de CO2 atribuídas ó consumo eléctrico nun 5,2%.
O obxectivo global de 'Fogares Verdes' é o de conseguir interiorizar comportamentos máis ecolóxicos que posibiliten a redución do consumo de auga entre un 6% e un 10%, así como as emisións de CO2 atribuídas ó consumo eléctrico nun 5,2%.
