Os bailes, que serán amenizados por un dúo musical, terán lugar os domingos 9, 16, 23 e 30 de xullo, e 6, 20 e 27 de agosto, en horario de 19,00 a 21,00 horas, no templete e pista do fondo do Parque
A Concellería de Benestar Social, Igualdade e Sanidade, que dirixe Marina Ortega, ten programadas para os meses de xullo e agosto sete sesións de bailes dirixidos ás persoas maiores no Parque municipal.
Os bailes, que serán amenizados por un dúo musical, terán lugar os domingos 9, 16, 23 e 30 de xullo, e 6, 20 e 27 de agosto, en horario de 19,00 a 21,00 horas, no templete e pista do fondo do Parque.
Esta actividade ten como obxectivo ofrecer ás persoas maiores un lugar de encontro e divertimento que lles permita entreterse nas tardes dos domingos do verán.
A tenor do éxito acadado nos anos precedentes, espérase unha boa resposta a esta iniciativa tanto dos maiores do municipio como da comarca, que solen achegarse ata o Parque para disfrutar da música, do baile e da compaña doutras persoas maiores. Marina Ortega invita a participar nestas sesións musicais do verán.
